古早人講:有通吃穿好了了,百般為著腹肚枵。

俗語說:一食二穿三人情。細漢時，遇著三叔公就講: 三叔公,吃飽沒?這句吃飽沒?是相借問,請安ㄟ話,

生活中吃、穿真重要。咱要先顧腹肚，才來顧佛祖。如果吃袂飽,穿袂暖,人情世事綴到到,沒鼎佮沒灶, ”無米打鼎，無錢打子",忍氣吞聲，步步要看人ㄟ面色,你甘要過這款ㄟ生活?

態度決定一個人的高度。有的人能力好,專業知識有夠,毋過態度不好,目睭生在頭殼頂,看高無看低,講話從鼻孔出來,講人不識一箍芋仔蕃薯,上好就是伊自己,這款人:吃沒三把甕菜就想要爬上天,是無人緣閣臭乞丐羶；人講:願做牛毋不驚無犁通拖,搰力學,肯打拼,拿長補短,雖然能力普通，做代誌一定會ㄟ成功。生活黑白，還是要彩色，皆在你用心來選擇。
 
外婆是一位勤儉打拼勇敢ㄟ人,尚愛種芋仔蕃薯及菜瓜,大條芋仔拿來吃,小條芋仔繼續種落去,一代湠一代; 蕃薯不驚落土爛,閣再不好ㄟ環境,也會枝葉代代湠,也哪-菜瓜好種，好吃-擱好用,(老)瓜去ㄟ菜瓜拿來做菜瓜布,老藤剪斷,盛菜瓜水,抹了面水水,馬是散赤人退燒ㄟ好藥水,實在有智慧。

菜瓜旋藤爬上棚頂時,要『斷』心,是安怎要『斷』心?就是給他刺激,感受環境受威脅,生命有危險,菜瓜藤就會往旁攀纏-開枝散葉。人馬仝款,受刺激,就會認真打拼,想辦法活落去。

菜瓜花開尬滿滿時,惜花連盆,惜子連孫。外婆牽著我的手去挽菜瓜花,花面頂有很多的螞蟻,阮用手把螞蟻挼死 ,外婆看了後隨講:憨孫ㄟ!不可以這樣做,人要生命,螞蟻馬愛生命，用嘴吹就好,毋通殺生喔。可以食ㄟ物件唌/sia/螞蟻之了後，仝款會食哩。囝仔人食狗蟻，爻爬崎。

菜瓜花裹上麵粉炸來吃,迄/hi/ㄟ時代，那就是阮嬤孫仔幸福ㄟ滋味。

規遍菜瓜花攏總留下,每條菜瓜都一條仔子(不大條),挽一些掉,歸ㄟ營養份給留下ㄟ菜瓜,菜瓜就ㄟ水、又好吃。

不過外婆嘛有講:顧囝子,就不可以這樣喔! 袂使大小目,抑是高低耳。一個飼甲躼lo/sia sia,一個矮仔鱉,大小漢差這麼多。

每一個囝仔都是父母的心肝子。各位會友,恁手伸出來,十隻指頭仔敢有平長?手心手盤都是肉。就是這款堅持,佮用心, 阮ㄟ阿母佮尾舅,才沒分人,母仔囝相依為命。那一年阿母3歲,尾舅剛度晬,外公就去天頂做仙。外婆的心,像菜瓜被『斷』心-痛苦-驚嚇-心酸-ㄟ目屎攪飯吞,為著囝要堅強活下去,世間有阿母惜ㄟ囝仔上好命,儉腸餒肚,吃苦當作吃補。把囝仔晟大漢，證明-有心有願，就有靈有聖。

現在陪阮阿母去尾舅ㄟ厝,在厝角頭菜瓜棚仔腳,金黃色ㄟ菜瓜花仍在那,老藤ㄟ菜瓜叢,就像犧牲自己成就囝ㄟ外婆,人講:查某人菜籽命, 捻頭飼也會大,做人只要認命,什麼都不驚。

想起外婆伊講ㄟ話:
芋葉圓圓圓青青青為伊擋雨滴,蕃薯滋味甜甜甜,為伊止么枵饑,蕃薯芋仔,有情又有義,陪伊渡過散赤ㄟ艱苦時。
人生滋味--鹹-酸-苦-甜,要用心一項一項試,『轉心』,心若美看什麼都美。各位會友， 恁看!我今天有水無?

人講:”蓮藕切段會牽絲，菜瓜牽藤密密纏；意愛入心難分離，相好不是一半年。心開-福來,態度-堅持；友孝序大毋免等時，阿嬤ㄟ『斷』心菜瓜,是用心對囝兒，咱馬要把握時機，對待每一個人，對待每一件代誌。幸福自然來相捦,祝恁-歡歡喜喜吃百二。

主持人！