這ma的人定定講人生無快樂 -- 讀冊艱苦、做穡艱苦、生囝仔艱苦、晟囝仔益閣卡艱苦。這款e人生那有什麼意思呢？ 
　

事際上咱e人生敢是按呢？ 
　

某一個角度來看，人生有影是艱苦。但是若換一個角度來看呢？無定你會發覺人生是大大的無共款。
 

我細漢e時陣，透早就要去田裡鬥拾韭菜花，上課時間得欲到的時陣才趕去學校讀冊。有閒的時陣，要鬥挽草、鬥種菜、踏水車、飼豬、飼雞、飼鴨、飼牛。 
　

初中e時陣，為了省錢，逐工要騎三、四十分鐘的鐵馬到溪湖坐五分仔車去員林讀冊。 

你若認為騎鐵馬好耍，按呢你一定m知影當時的情形。彼個時陣，哪有點仔膠路，隴嘛是石頭仔路，無細膩就會跋倒。

逐工天還未光就要出門，暗矇矇才轉來。 

這款生活你感覺按怎？艱苦對麼？有時陣我嘛是e按呢想。但是換一個角度來看，這是大大e福氣呢！ 
　

我佇台北讀大學的時陣，無想到都市人還真欣羨咱鄉下人e生活！尤其是我彼個女朋友，吃飯坩中央，米按怎來攏m知，蔥啊ka蒜啊分昧清楚，我呢？假若什麼都知影、什麼攏也會做。伊定定問我講：「你那e什麼攏會曉？」我就講：「庄腳大漢e嘛！」尾仔，這一個都市song就歸氣嫁給我這一個鄉下song。 
　

所以你講庄腳長大e是m是一種福氣？ 
　

對演講會來講，幫助就益閣卡大了！咱庄腳長大e那親像永遠有講昧完e代誌通kah大家分享，你說是麼？ 

大發明家愛迪生細漢時也無什順利，學校老師定定笑他戇，in媽媽只好帶伊轉去厝裡自己教。 
　

你感覺伊可憐麼？你敢知影這是目前世界上尚時行的「自家教育」，英語號做 HOMESCHOOLING。愛迪生佇一百五十幾年前就會當享受這種教育了，是m是真福氣？ 
　

伊十二歲的時陣，因為一項意外，差不多ah變做臭耳人，別人講什麼伊攏聽無什有。若是你，你會按怎想？這一生就拾角(kioh-gak)了，對麼？ 
　

但是，用另外一個角度來ka看，這對伊顛倒好。這ho伊會當益閣卡專心來做實驗，無什麼人會當吵鬧到他。就按呢，伊一生發明了兩千外種物件，人稱呼伊是歷史上尚偉大e發明家。 
　

所以，臭耳人嘛是一種福氣，對麼？ 
　

35年前，在咱高雄岡山，有一個紅嬰仔給人掞在菜市仔e豬肉砧。 
　

按怎會出生就給人放棄？斟酌ka看，唉唷，這個紅嬰兒不但無手，兩隻腳閣一隻長一隻短，莫怪含她自己的親生父母攏不愛伊。 
　

真可憐，對麼？我想真choe人會按呢想。 
　

但是有一個六龜鄉的楊牧師就無按呢想。伊講：「這是上帝e恩典。」伊ka這個紅嬰兒帶等去伊自己ㄟ孤兒院，給伊吃、給伊睏、給伊教育。這個紅嬰兒尾仔變ka真有名。大家知影伊是誰麼？(知，是楊恩典) 

對，就是伊。

當初大家當做伊是無人愛的囝仔，楊牧師看伊的角度就無同款，伊認為這個囝兒是上帝e恩典，所以給伊號名做楊恩典。 
　

這ma楊恩典不但是一個國際有名e畫家，伊會曉照顧自己的生活。伊嘛已經結婚，有一個真疼惜伊e翁婿，kah一個健康e查某囝。伊定定四界去演講，鼓勵huai四肢不全、生活痛苦的人。 
　

伊定定講：「上帝雖然沒賜我雙手，但是伊給我最有愛心的父母；上帝雖然無賜我雙手，但是伊給我和樂e家庭kah有耐心e老師；上帝雖然無賜我雙手，但是伊給我愛心來關心別人。」 
　

本來不幸的人，最後變做真幸福；ia-ke會當幫助別人。這ka當初大家想e是m是大大無同款。 
　

所以，咱是無是不時愛用無同款的角度來看待人生。因為表面上看起來是歹e代誌，無定是好的。咱那會曉用另外一個角度來看人生，真choe問題就會當解決，生活嘛會變ka卡好。