|
|
||||||
|
|
||||||
| 兩支腳凸歸台灣 | ||
|
兩支跤凸(註1)規台灣 |
|
|
|
| 兩支腳凸歸台灣 |
兩支跤凸(註1)規台灣 |
|
|
＜原始版＞ 鄉親哪！你乾無愛台灣唔？主持人，各位會友；以下我所說的四項歹記，你若是隴未曾做過，你就不如我愛台灣。啊擔是哪四件歹記架偉大？第一是鐵馬遊台灣，第二是泅水過日月潭，第三來登高爬玉山，第四是河洛話來~演~說。(多謝各位！) 今天看我的打扮也知影，我是要來跟大家說一些我騎鐵馬的經驗。 差不多三年前，我辭掉做了 12 年的工作，在找到新的頭路進前，我決定要去完成我自細漢的一個夢想----騎鐵馬繞台灣一圈。 |
|
＜修訂版＞ 鄉親啊！你敢有愛台灣否？主持人，各位會友，以下我所講的四項代誌，你若是攏毋捌做過，你就不如我愛台灣。啊擔是叨四件代誌這呢偉大？第一是鐵馬遊台灣，第二是泅水過日月潭，第三來登懸爬玉山，第四是用河洛話來~演~說。(多謝各位！) 今仔日看我的打扮嘛知影，我是欲來佮大家講一寡我騎鐵馬的經驗。 差不多三年前，我辭掉做了 12 年的工課，佇猶袂揣著新頭路進前，我決定欲去完成我自細 |
|
我的朋友聽說我要去環島，隴馬嘎我吐槽，因說：「騎鐵馬ㄋㄟ？那是少年人在做的歹記！你不要三斤貓想要咬四斤老鼠好否？嘿就累、就艱苦、就危險，麥去卡袂出歹記啦！」，我才沒勒嘎信斗勒咧，我對因說：驚驚不得等啦，沒試過怎麼知道會成不成？所以我去就報名參加一個專門帶人騎鐵馬環島的團體，出發的時間是 2005 年七月份，天氣當燒熱！我ㄟ運氣不知是太好還是太壞，除了我跟另外一個阿水伯以外，參加的隴是一些高中生、大學生，這個阿水伯大我三十歲，兩年前曾參加過一次，不過伊在騎南迴公路的時陣，沒注意去摔斷一隻腳，伊返去休息半年，鍛鍊一年，重新夠再來，我看這個辦勢，想說，害啊！連這個老歲仔我恐怕也拼不過，這幾天我一定隴吊車尾！要出發的那個早上，那些少年仔用一種同情的眼光看著我跟阿水伯，說：阿叔阿伯加油喔！千萬不要勉強啊！然後他們就~咻~像一陣風衝對頭前去了，袸我嘎阿水伯兩個人在後面慢慢啊凸，我向阿水伯說：「伯啊！雖然我這兩個月嘛有練過，不過我猶原真煩惱是不是能完成這次的環島」，阿水伯嘎我貢：「安啦！咱騎鐵馬環島比的是長期的耐力，不是一時的氣力，等一下你就知道了。」果然，當我們騎到桃園龜山那段連續13公里ㄟ上坡的時陣，那些少年仔就開始哀爸叫母，十個有九個落車用推的，不過我們兩人就是堅持不落車，不推車；「不管路面有多陡，只看眼前七尺份」，；反正就是甲嘴齒根嘎咬乎緊，實實地騎，KuaKua啊騎，ㄟ！竟然也騎到前幾名，所以我開始有了一些信心，想要和這些猴死孩仔拼看麥。 人說「行棋有棋步，殺豬有刀路」，騎鐵馬想要拼頭前，實步以外還要愛會曉變步；咱隴知道世間路起起落落，有下坡當然就有上坡，普通人騎鐵馬爬坡時隴是踏得批培喘，落坡時當然要放輕鬆，乎車自己嚕落去，要不剛才拼得流沁汗，不就隴了去？你的想法若甘啦到這，想要贏人就加拼，咱要ㄟ會顛倒頭想，逆向思考，在別人放輕鬆、吐大氣的時候，加倍打拼，等因發現你從旁邊衝過去，要追你已經來不及了。阿萬不哩咱若是遇到同款程度的對手要怎麼辦？這個時陣就要比誰的藏步卡厲害了。藏步就是你的祕密武器，平常時就要偷偷地準備乎好勢，在要緊的時陣，生死的關頭，才可以拿出來用。我的藏步就是-----國產ㄟ噴射引擎，保證乎你跑卡快，搭你馬好啊！鐵馬啊沒吃汽油，那裡來的噴射引擎？我聽哩勒歕乩歸！是啦，我的鐵馬是不吃汽油，不過真歹勢，鐵馬的主人有吃~番薯~啦，其實，我甲這個番薯當做是一種自我鼓勵的心理武器，每天騎車之前給它吃兩條，當你騎得很痛苦，感覺有需要的時候的時陣，就勇敢將它放出來（~音效~）你心內就會感受到：我有卡快！袂壞！再給它摧落去（~音效~）嗯！剛才想放棄的那個想法也好像放出去了！反正在真艱苦的時陣，咱就是愛想一些辦法乎自己感覺卡好過，有當時你的屁股後如果剛好有人嘎你跟緊緊，它還是一種很有效的化學武器，（~音效~）我就可以趁他們將鼻子諳著的時陣，又拼對頭前去，所以，在這次環島的前五天，我那不是騎第一個，就是騎第二個。 為什麼只有前五天騎在頭前？第六天以後發生了什麼歹記？甘工是有其他夠卡陰險的藏步出現了？不是！是在第五天的暗時，阿水伯問了我一個問題：「阿山哥啊！昨日咱騎在枋寮海邊仔日頭要落山的時陣，那麼漂亮的風景你甘有看到？阿夠有今天早上咱們在拼南迴公路的時陣，有一欉就水的相思樹你甘有看到？」 「伯啊！歹勢ㄋㄟ，我隴顧咧拼車，沒看到那些風景」「ㄏㄚ！那不就足可惜ㄟ！」是啊！我一直顧咧拼頭前到底有什麼意義勒？這甘是我來環島的唯一目的？這樣甘袂會修無聊、修怕勝？所以對第六天開始，我就不再和別人尬車，我跟在阿水伯旁邊慢慢阿騎，不時嘛停落來攝像看花草，欣賞真正台灣的水，尤其是蘇花公路那一段，左邊是青色的山嶺，右邊是藍色的海岸，深坎就在輪仔邊三尺外，一不細離，保證你隨跌落太平洋底，真正是美到吼哩叫不敢。 九天的環島很快就過去了，我完成了我的夢想，也學到了一些眉角；就像那齣電影裡面說的那句話：「有些事你現在不去做，以後你永遠就不會去做了」，各位兄姐，可能你袂想要和我一樣用去兩支腳去凸歸台灣，啊不過你總是要用自己的雙腳雙手凸你自己的人生，不管你現在騎到那一個所在，遇到什麼困難，愛會記咧：「別人意見隨便聽，自己心頭抓乎定，勇敢選擇做決定，綿爛堅持向前行，實步變步加藏步，自我鼓勵求進步，享受過程的起落，成功快樂隴會得。」 主持人！ |
漢的一個夢想----騎鐵馬踅台灣一輾。 我的朋友聽講我欲去環島，攏嘛佮我揬臭(國語：吐槽)，怹說：「騎鐵馬呢？彼是少年人佇咧做的代誌！你莫三斤貓想欲咬四斤鳥鼠好否？彼足悿(國語：累)、足艱苦佮危險，莫去較袂出代誌啦！」，我才無咧佮信篤咧，我對怹說：驚驚袂得等啦，無試過按怎知影會成袂成？所以我就去報名參加一個專門抴人騎鐵馬環島的團體，出發的時間是 2005 年七月份，天氣當燒熱！我的運氣毋知是甚好還是甚歹，除了我佮另外一個阿水伯以外，參加的攏是一寡高中生、大學生，這個阿水伯大我三十歲，兩年前捌參加過一擺，毋擱伊佇咧騎南迴公路的時陣摔斷一隻跤，伊轉去休睏半年，鍛鍊一年，重新擱再來，我看這個範勢，想說，害矣！連這個老歲仔我恐驚嘛拼袂過，這幾工我一定攏吊車尾！欲出發的彼個早起時，彼的少年仔用一種同情的眼光看著我佮阿水伯講：阿叔、阿伯加油喔！千萬毋通勉強啊！然後怹就~咻~像一陣風衝對頭前去囉，偆(國語：剩)我佮阿水伯兩個人佇後壁慢慢啊凸，我向阿水伯講：「阿伯啊！雖然我這兩個月嘛有練過，毋擱我猶原真煩惱是毋是會當完成這擺的環島」，阿水伯老神在在佮我講：「安啦！咱騎鐵馬環島比的是長期的耐力，不是一時的氣力，等一下你就知影囉。」果然，當咱騎到桃園龜山那段連續13公里爬崎的時陣，彼的少年仔就開始哀爸叫母，十個有九個落車用搡(國語：推)的，毋擱咱兩人就是堅持毋落車、毋搡車；「毋管路面有多崎，只看眼前七尺闊」；橫直就是佮嘴齒根咬予緊，實實仔騎、寬寬仔騎，欸！竟然嘛騎到前幾名，所以我開始有了一寡信心，想欲佮這的猴死囝仔拼看覓。 人說：「行棋有棋步，宰豬有刀路」，騎鐵馬想欲拼頭前，實步以外嘛愛知影變步；咱攏知影世間路起起落落，有落崎當然就有爬崎，普通人騎鐵馬爬崎時攏是踏佮怦怦喘，落崎時當然愛放輕鬆，予車自己嚕落去，抑無頭拄仔拼佮流凊汗…毋就攏了去矣？你的想法干若到這，想欲贏人就較拼，咱愛會曉顛倒頭想-逆向思考，佇別人歇喘吐大氣的時陣，加倍打拼，等怹發現你對邊仔衝過去的時候，欲逐你嘛已經袂赴囉。萬不一咱若是抵到同款程度的對手欲按怎樣？這個時陣就要比啥人的藏步較厲害囉。藏步就是你的祕密武器，平常時就要偷偷仔準備好勢，佇要緊的時陣，生死的關頭，才會當提出來用。我的祕密武器就是-----國產的噴射引擎，保證予你走較緊，擔你嘛好啊！鐵馬抑無食汽油，叨位來的噴射引擎？我聽你咧歕雞胿！是啦，我的鐵馬是無食汽油，毋過真歹勢，鐵馬的主人有食~番薯~啦，其實，我佮這個蕃薯當做是一種心理武器，逐工騎車進前佮伊食兩條，當你騎了真痛苦，感覺有需要的時陣，就勇敢將伊放出來（~音效~）伊會當予你心內感覺：我有較緊！袂歹！擱予伊催落去（~音效~）嗯！抵才想欲放棄的彼個想法嘛親像放出去囉！橫直佇真艱苦的時陣，咱就是愛想辦法予自己感覺較好過，有當時你的尻川後如果抵好有人佮你綴著著，伊嘛是一種真有效的化學武器（~音效~），我就會當趁怹將鼻仔掩著的時陣，擱拼對頭前去，所以，佇這擺環島的前五工，我若不是騎第一個，就是騎第二個。 為什麼只有前五工騎在頭前？第六工以後發生了什麼代誌咧？敢講是有其他擱較陰險的藏步出現囉？毋是！是佇第五工的暗時，阿水伯問了我一個問題：「阿山哥啊！昨日咱騎在枋寮海邊仔日頭要落山的時陣，赫呢水的風景你敢有看到？啊猶擱有今仔日早起時咱佇咧拼南迴公路的時陣，有一欉足水的相思樹仔你敢有看到？」「阿伯啊！歹勢呢，我攏顧咧拼車，沒看到彼的風景」「啥！彼毋就足可惜矣！」是啊！我一直顧咧拼頭前到底有什麼意義咧？這敢是我來環島的唯一目的？按呢敢袂甚過無聊？甚過打損？所以對第六工開始，我就袂擱佮別人較車(國語：尬車)，我綴佇阿水伯邊仔慢慢仔騎，不時嘛停落來翕相(國語：拍照)看花草，欣賞正港台灣的水，尤其是蘇花公路彼一段，左邊是青色的山嶺，正邊是藍色的海岸，深崁(國語：懸崖)就在輾仔邊三尺外，一個無細膩，保證你隨跋落去太平洋底，真正是水到予你叫毋敢。
九工的環島真緊就過去啊，我完成了我的夢想，嘛學到了一些鋩角(國語：秘訣)；就親像彼齣電影內面講的彼句話：「有一寡代誌你這嘛毋去做，以後你永遠就袂去做啊」，各位兄姐，可能你袂想欲佮我同款用兩支跤去凸規台灣，抑毋擱你總是愛用家己的雙跤雙手凸你家己的人生，毋管你這嘛騎到叨一個所在，抵到什麼困難，愛會記得：「別人意見隨在聽，家己心頭掠予定，勇敢選擇做決定，綿爛堅持向前行，實步變步加藏步，自我鼓勵求進步，享受過程的起落，成功快樂攏會得。」 |
|
|
註 |
註 1：吳念真的廣告詞：「一台車凸規台灣」，廣告 效果十足，考證其台語用字： |
|
1. 2. |
這個演講的題目發想來自於吳念真為
Impreza 拍的電視廣告中的一句台詞「一台車凸歸台灣」 「三斤貓想要咬四斤老鼠」、「行棋有棋步，殺豬有刀路」為台灣傳統俗諺 |
(1)「凸」： | 突出的(形容詞)，「凹」的相反，音義不合，似為國語借音；若作「拓」，有鏟土，開展、開墾之義，似音義較合，惟廣告用詞深植人心，為求普遍，暫寫作「凸」。 | |
| 3. | 「不管路面有多陡，只看眼前七尺份」為演講者自創諺語，一樣有壓韻喔！ | (2)「規」： | 畫圓之器，有完全之義，音義皆合；今人常寫作「歸」，返回也，意義不合。 | |
|
修訂版乃委託台中台語會何昆澤先生修改為較正式之台語文字，如有疑問歡迎電郵討論： 何昆澤：atek945@gmail.com 陳立山（Solomon Chen）：solomon1123@gmail.com |