有一首歌真好聽、叫作金針花
　

金針花也就是阿母ㄟ花

逐擺我若是想著故鄉ㄟ阿母，尚愛唱這首歌。
※金針花清氣ㄝ香味、佇風中飛；啊~~~啊~~~阿母仔~~~~~我咧想汝、汝敢有想我。
　

※咱每一位人攏是阿母ㄟ寶貝~~~~~我嘛是共款
而且我還有兩ㄝ疼惜我ㄟ阿母
我有82歲外家媽媽疼
嘛有97歲老搭家惜

今仔日佇遮麗香卜甲咱逐家分享~~~我ㄝ老搭家

※甲阮頭家熟悉ㄝ時陣，知影裀攏總有16個兄弟姊妹。伊排第13，我就一直咧想？到底裀阿爸是娶幾個某，伊是大某生ㄝ，還是小姨生ㄝ，後來伊甲阮講：伊是一ㄝ阿爸一ㄝ阿母生了15胎、一對雙生16個。彼陣我真好膽嘛是敢嫁乎伊

※佇裀兜廳頭ㄟ壁頂，有掛一塊牌匾寫著模範母親。我常常嘛甲阮搭家講笑：【阿母仔！汝真敖生子喔、生甲政府擱送牌匾乎汝！】其實阮逐家攏知影阿母伊一世人、勤儉持家、辛苦教子，是因為受到肯定，才會得到模範母親。

實在是當之無愧啦。嘛因為模範母親彼塊牌匾，鞭策阮家己，愛做好儂ㄟ查某子，也要做好儂ㄟ媳婦、家後、媽媽總總ㄟ角色。32年前我憨面憨面嫁入彼ㄟ大家庭。一路行來我毋捌後悔，因為我有一ㄟ疼惜我ㄟ老搭家。而且伊擱生一個足優秀ㄟ後生；乎我做尫婿。
　

※結婚了後剛剛咧起家生活較甘苦，阮對宜蘭庄腳來台中賺呷。每擺阮若是轉去宜蘭庄腳看飼大人，阮搭家一定先將棉被拿出來稻埕，曝甲軟甚甚、擱香貢貢、乎阮暗時仔蓋佇身軀頂，是有夠溫暖ㄝ；伊還擱去菜園仔挽一大堆青菜、殺土雞、殺番鴨、還有去土人間挩米，乎阮帶回來台中呷。

有時米是呷甲生蟲、阮日頭曝曝ㄝ，擱用米篩篩篩ㄝ一粒嘛毋甘扑損，因為一飯一菜攏是老搭家滿滿ㄝ愛。有時陣阮搭家對宜蘭、坐火車來台中看孫，常常嘛掖私攲錢乎阮作索費。

因為伊驚阮會歹勢、所以逐擺攏嘛是送伊坐火車ㄟ時陣才甲阮講；阿香仔、菜橱抽屜裡有匟2000元、房間枕頭下有匟3000元，乎阮逐擺攏嘛含著歡喜ㄟ目屎送伊坐火車。有真最人攏講阮是前世燒好香，才有這呢好ㄟ老搭家。
　

※毋擱真不幸佇22冬前、阮阿母煞來中風、雖然意識還真清醒，毋擱煞一腳一手袂行路；好加在伊16ㄝ後生查某子，16ㄝ媳婦子婿；逐個攏嘛真友孝。

阮歸家伙仔同濟輪流用心、用愛、用情、用時間來來照顧長期倒佇眠床ㄝ阿母、22年來阮推著阿母ㄟ輪椅，歸台灣走透透，如今已經換了7台輪椅，因為阮逐家知影，有阿母通好有孝，是阮ㄟ幸福。
　

※去年阮阿母96歲生日ㄝ時陣、透早我甲阮頭家起來煮120粒的紅蛋，趕轉去宜蘭甲阿母作壽。因為阮相信醫學真發達，阿母伊一定會凍平安快樂減少病痛，呷甲百二歲。

彼一工阮全家五代人，對台灣全省各地趕返來，大大小小、攏總有歸百ㄝ人，阿母ㄝ目啁綴著孫仔、干仔孫、干干仔孫、耍來耍去；精神還真正好。阮逐家將坐佇輪椅頂的阿母；一圈一圈；團團圍住。
　

※孫媳婦仔裀買一個真大ㄝ雞蛋糕有幾何層。歸陣人，咧唱生日快樂歌的時陣。阿母笑甲嘴啊是、開、開、開；我甲伊算算ㄝ柱柱好剩3齒。
　

歸稻埕充滿快樂、幸福、歡喜ㄝ笑聲
彼陣有做一首台語詩~~~~~我ㄝ老搭家
即馬佇遮阮想卜借用各位兄姐ㄟ雙手

幫麗香來打板；
　

耶~~
彼年阮嫁入裀ㄟ大厝底
尾仔後生就是阮頭家  頂有4位兄哥無外最
大姐小妹算算ㄝ有11e
捏屎拉尿    有ㄟ手內抱~~~有ㄟ土腳爬
阿母生了15胎
一對雙生~~~攏總16個
如今湠有子孫百外e
慈祥ㄝ老母汝是阮逐家ㄝ寶貝。
偉大ㄝ阿母  就是我ㄝ老搭家    
啊 ------------老  搭  家
　

以上       主持人