在座有聽過「你講台語嘛會通喔」這句話的朋友，請舉手，多謝!

這句話，是二十多冬前正紅的電視廣告詞,所以剛才舉手的朋友甲我同款，攏真有智慧。

真多郎有聽過這句話，但是足少郎知影，這是美國西北航空公司的電視廣告。

登當時；航空公司千挑萬選，選到一位身材妖嬌、面容美麗、聲音擱好聽的空中小姐來講這句廣告詞，恁有想要看這位空中小姐沒？ 有人知道伊是啥米郎？ 沒錯，伊現在就站在恁面頭前。

那時存，我是歡喜甲三暝三日攏睏未去，想講，我就要變做一個國際影星。

想沒到；豬不肥、肥到狗，我人沒紅起來；這句廣告沙變甲通人知！

歸台灣的人攏知影，阮這間阿兜仔的航空公司已經「講台語嘛會通」，阮公司的業績越來越好，一時間來了真多阿公阿嬤旅行團。

我是一個正港的台灣人，當然就愛給咱的鄉親尚好的服務！

所以；我金認真講台語！（PPT: 7up七喜）
送飲料的時候，我拿一罐汽水，一個一個問：「有郎要去死沒？有郎要去死沒？」

那些阿公阿嬤一個比一個卡客氣，隴講：「免、免，免啦！」

落飛行機進前，我用我雄專業、雄標準的台語做廣播：
「各位旅客；咱的墓地要到囉，請恁甲牲禮收好，過橋的時存，愛注意你的腳步，希望咱真快就會在天頂再會。」不知是安怎，那些阿公阿嬤面色怎會攏變得青筍筍？落飛行機的時存,隔甲阮的經理投講我攏甲伊咒懺。投蒙投，他們尚愛走來我的身邊，笑笑甲我講：「小姐；服務讚喔，不過你的台語真正有夠恐怖，有閒來找阮泡茶，阮給你教啦,不然,我驚你真緊就厚郎辭頭路」
原來只要肯認真，別人就會足感心，就算我三講四不對，大家嘛麥見怪，同款真歡喜。

我知影，很多郎攏欣羨空中小姐的生活，在航空公司做好幾冬，我要甲大家講一項秘密；「空中小姐」其實是一種「特種行業」，麥黑白想！

阮的工作，甲保全相同，是保護旅客安全，所以身材妖嬌、面容美麗、聲音好聽，都不是空中小姐的條件！只是我剛好有這些特色而已。

遇到國際旅客，英語、法語、日語愛知曉，
有人腳來手來，武術不得已嘛愛甲展出來，
昏倒、中毒、心臟病，三秒以內愛處理，
若是不幸飛行機出意外，阮著愛走那飛，
一分半鐘以內要撤退，一分半就是你即席問答還未講完，阮歸台飛行機的人就愛走了了。這個飯碗有好捧沒？

所以人客啊，以後坐飛機的時候，就愛甲空中小姐同款，愛面笑、嘴甜、腰軟、手腳快！因為在三萬五千英呎的空中，除了恁祖公、祖嬤會甲你保庇以外，
可以保護你性命安全的就是這些空中服務人員，恁現在知啊沒？？！！

各行各業隴有他的鹹酸苦甜。互相了解，才會互相尊重和體諒，只有心要和人交陪，咱就會想有步、找有路！就親西北航空公司用這句「你講台語嘛會通喔」來甲台灣旅客博感情，是真成功Ａ雙邊溝通，甲咱在演講會學習的同款。

相信未來；走遍全世界，咱不只「講台語嘛會通」，大家可以很有信心，大聲講出：你講什咪攏會通！對不對？