(歌唱)今仔日風真透， 賰我這箍癮頭， 代誌是永遠做袂了， 薪水總是嫌無夠…

醫生 驚治嗽， 總舖 驚食晝， 做塗水的 驚掠漏，偷食的 驚掠猴，毋知大家捌想過 家己佇工課上 上驚的 是啥物否？我的工課是教國中國校的學生學英語，上驚囡仔袂曉講、毋敢講，所以拄到囡仔講國語的時陣，我攏用英語問伊這個話 英語按怎講。

我有一個天兵的學生，是阿嬤摕大漢的，伊真摮講台語。上課第一工 轉去佮伊阿嬤講：「阿嬤，我位今仔日開始改名，以後你愛叫我中元普渡的”Paul”」。

有一擺下課時間，這個Paul去便所轉來教室佮我講：＂老師！老師！便所內面有真濟蚼蟻。＂這個時陣我想講，頂一課才教過＂蚼蟻＂這個英語，所以就用英語問伊蚼蟻按怎講。伊聽無，邊仔 英文較好的翻譯講：「老師問你蚼蟻按怎講啦？」結果伊佇遐想真久的，我心內想講：＂害了，害了，才教過就袂記得矣，等咧愛複習一下。＂伊過一站仔才講：＂蚼蟻….伊…伊無講話。＂

雖然有時仔 愛佮天兵交陪，有時仔 家己感冒發燒頭殼痛，嘛毋敢請假，驚耽誤學生考試。但是 教英語對我來講，是收入上少、成就上大的工課。看到囡仔位攏袂曉講，到尾仔會曉用英語佮老師 應嘴應舌，這款的歡喜 是用錢買袂著的。

為了生活顧三餐，我捌做過真濟工課。學校畢業之後的第一份工課 是佇一間美國公司佇台北的分公司 做業務助理；台北市交通這呢亂，公司擱分派一台真大台的美國車予我開。

有一擺開車佇很隘的一條巷仔底，我開袂過。頭前後壁 予我擋規排的歐兜邁(autobike)，我真緊張 毋知欲怎樣才好。拄好有一個警察 嘛予我擋到路，我就拜託伊 幫我將車開出彼條巷仔。警察想講：到這個跤步啊，無湊相工嘛未煞。若開若唸講：＂嘑！今嘛的警察真歹做，上班時間擱愛予人考駕駛。＂警察看我緊張到攏袂講笑，伊就問我講：「妳開車在路頂 看著一個人佮一隻狗，妳會挵人猶是挵狗？」我想想講：＂應該是撞狗。＂警察搖頭講：按呢妳無及格，駕照是掠火雞去換的乎？＂我就講：＂敢講我愛去挵人喔？＂伊就笑講：＂妳應該…先踏擋仔啦。＂彼個時陣，我規個人輕鬆起來，想袂到這個警察心肝這呢好，會想辦法予我莫緊張。伊擱講：＂姑娘仔，我佮你講啦，警察做久了，刀光劍影的代誌看真濟啊，雖然講＂頭家一下比，辛勞做半死＂，人生毋通 事事攏如意，平安就好啦。＂

因為出口貿易公司的工課 愛配合美國時間，三頓擱無正常。重點是沒時間好約會，驚若是擱做落去，會變老姑婆。所以，我就轉來台中佇一間進口事務機的公司做內勤，逐工負責打電話佮接電話。

那個時陣生理真好做，公司倩到一個搰力食、貧憚做的少年仔做外務，每個月營業額猶擱有幾落百萬。這個做外務的同事對我有意思，定定欲招我去看電影，攏予我拒絕，因為…伊不是我欲點的菜。有一擺伊出去走業務轉來公司佮我講：＂今仔日拄到漚客，工課袂順，看到媠姑娘仔笑 心情會較好，你會當為我笑一下否？＂我就講：＂你是想欲予我今仔日嘛袂順乎？＂伊講：＂莫按呢啦，手機仔借我一下，我欲打電話佮阮媽媽講 我看到一個絕色的美女。＂我就講：＂袂用得，因為我欲打電話去掛號，講我予一個螿蜍驚到，心臟無力。＂

伊就講：＂嘿！我想無呢，你是無佮意我佗一點，你佮我講，我改。＂我就應講：(停頓)＂抑無…你是佮意我佗一點，你佮我講，我改 卡緊啦！

結婚生囝了後，我就若摕囡仔，若佇厝 做電腦打字兼印刷生意。彼個時陣 台灣錢淹腳目，一個查某人 佇厝摕囡仔兼打字印刷，一個月收入上濟有十萬元，買菜有賰擱會當賰私奇。尾仔 做到身體打壞了了，趁的錢 攏提去調養身體。俗語人咧講＂好額毋值得會食，好命毋值得勇健。趁錢有數，性命愛顧，健康就好啦。

後來兩個囡仔 大漢去讀冊，我就去補習班教英語。

為著欲指導學生 參加演講比賽，我加入國際演講會，學習話語表達的技巧。雖然有當時仔 愛做一寡義務性的工課，但是佇遮我揣到另外一個屬於家己的舞台。這款成就 比每個月有十萬元的收入 擱較歡喜。

如果人生會當重頭開始，你會想欲選擇佗一種工課？是錢濟就好？平安就好？健康就好？抑是無魚 蝦嘛好？在我的看法是…

歡喜就好 (國語翻譯稿)

(歌唱) 今天風很大, 剩我這個傻子, 事情永遠做不完, 薪水總是嫌不夠多…
　

醫生怕治咳嗽, 廚師怕準備午餐, 泥水匠怕抓漏, 偷吃的怕被抓包。不知道各位有沒有想過自己在工作上最怕什麼呢?
　

我的工作是教國中小的孩子學英文, 最怕孩子不會說, 不敢說。所以遇到孩子跟我說國語的時候, 我都用英文問學生這句話英文怎麼説

我有一個很天兵的學生, 是奶奶帶大的, 很會說台語. 上課頭一天就回去跟奶奶說:” 奶奶, 我從今天開始改名字, 以後你要叫我中元普渡的Paul.”(普的台語諧音跟Paul很像)

有一次下課時間, 這個Paul從廁所回教室跟我說:” 老師! 老師! 廁所裡有很多螞蟻.”這時我心想, 螞蟻這個單字上一課才教, 所以就用英文問他螞蟻的英文怎麼說. 他聽不懂, 在一旁英文程度好的學生幫他翻譯說:”老師問你螞蟻怎麼說?”結果他想很久, 我心想:”糟了, 才教過就忘了, 等一下得複習一遍.”過一會兒, 他才說:” 螞蟻…它…它沒說話呀.”

雖然有時候要跟天兵打交道, 有時候自己感冒發燒頭疼也不敢請假, 怕耽誤學生考試. 但是教英文對我而言, 是收入最少, 成就最大的工作. 看到孩子從都不會表達, 直到後來會用英語跟老師頂嘴, 這種歡喜的心情是用錢也買不到的.

為了生活, 我曾經從事很多工作. 學校畢業後的第一份工作是在一家美商公司的台北分公司做業務助理. 那時候台北市交通很亂, 公司又派一台很大的美國車讓我開, 剛開始對我而言是一種很大的壓力.
　

有一次我在一條窄巷弄內開車, 因為太窄了開不過去, 我很緊張不知道該怎麼辦. 剛好有一位警察也被我擋住去路, 我就拜託他幫我將車子開出巷子. 那警察心想已經到這種地步了, 沒有幫忙也不行. 於是他邊開車邊唸:” 唉, 現在的警察很難當, 上班時間還要被考駕駛.”

那名警察看我緊張到都不能說笑了, 他就問我:” 妳開車在路上看到一個人跟一隻狗, 妳會撞狗還是撞人?”我說:” 應該是撞狗.”警察搖頭說:” 那妳不及格, 駕照是拿火雞去換來的吧?” 我說:” 難道….要我撞人?” 警察說:” 妳應該…先踩煞車啦.”
　

那個時候我整個心情都放鬆了, 想不到那名好心的警察不但幫我忙, 還想辦法讓我不要緊張. 他還說:” 小姐, 警察當久了, 刀光劍影的事看多了, 雖然老闆一句話, 妳就得做半死. 人生無法事事順心, 平安就好啦.”
　

出口貿易公司的工作要配合美國時間, 三餐不正常, 重點是 沒時間約會, 怕再待下去會變老處女. 於是我回台中在一家進口事務機器的公司當內勤. 那時候景氣不錯, 公司請了一位好吃懶做的年輕人當業務, 月營業額還能到幾百萬.那位業務同事對我有意思, 常邀我看電影都被我拒絕, 因為他不是我的菜. 有一回他跑業務回公司跟我說: “ 吼~ 今天遇到奧客, 工作不順, 看到美女笑我的心情會比較好, 妳能為我笑一個嗎?” 我回他:” 你是想讓我今天也不順利嗎?” 他說:” 別醬子嘛, 手機借我, 我要打電話跟我媽說我看到一位絕色美女.” 我回他:” 不行, 我要打電話給醫院, 說我被一隻癩蛤蟆嚇到, 心臟無力.”  他說:” 唉呀, 我想不通耶, 妳是不喜歡我哪一點? 跟我說, 我改!” 我回他:” 那….. 你是喜歡我哪一點? 你跟我說, 我改比較快.”

婚後我在家帶孩子, 從事電腦打字印刷生意. 那時候, 台灣經濟繁榮, 一個女人在家帶孩子兼打字印刷生意, 每個月收入最多十萬元. 除了家用以外還可存私房錢. 但是後來因為太累把身體搞垮了, 掙來的錢都花在醫藥費上. 台語俗語說:” 有錢不如有口福, 命好不如身體健康.” (台語有押韻) 賺的錢有限, 身體要照顧好, 健康就好.

兩個孩子上學後, 我去補習班教英文. 為了指導學生參加英語演講比賽, 我加入國際演講會, 學習語言表達的技巧. 雖然有時候會做一些義務性質的工作, 但是在這裡, 我找到一個屬於自己的舞台, 這種成就比每個月有十萬元的收入還要令我歡喜.

如果人生能夠重新來過, 你會選擇哪一種工作? 是錢多就好? 平安就好? 健康就好? 還是有總比沒有好呢?