杯底毋通飼金魚
來來來來，乎乾啦
走啦走啦，咱擱來去打一咧阿麻將
哎唷，我又擱自摸阿啦
拍謝拍謝，貪財貪財
這就是我兩天一喝，三天打一雀ㄟ大學生活
現在想起來，猶原是感覺非常快樂

自我細漢開始，我爸就攏甲我管條條
無青菜乎我出門，每一次只要我甲講
爸，我要甲朋友來去逛街
賣啦，你甘無看到新聞

有真多愛飆車的少年仔，在路ㄟ飆來飆去
看甲我是永要驚死喔，你就卡乖咧，惦厝休息啦

　

這樣，我們來去唱歌，好無
毋好毋好，那個所在非常複雜
萬一你遇到歹人，在那冤家相打
那是要怎麼辦

阿無，爸，我們來去看電影甘ㄟ賽
那更加就毋通喔
電影院那個所在，暗摸摸，阿擱有剪溜阿
你喔，就連乎誰抓去，就攏毋災喔
爸，阿這嘛不行，那嘛毋通

阿無，我是要衝啥
要衝啥!!來來來，讀書阿
讀書!!這...人之初，性本善
永要睏去阿，根本就是越讀越ㄘㄟˋ嘛

就因為我爸對現在社會ㄟ治安無信心
所以，我根本就賣想工要甲朋友出去七逃
就是這樣，大家攏嘛叫伊〝監獄長〞

但是，時間ㄟ過，時代ㄟ變，少爺嘛ㄟ變王爺
就在我考上南部ㄟ大學，一個人來到外面生活
我親像是被關真久ㄟ犯人
現在出獄了，自由囉

自從我被放出來之後，不是啦
是一個人來到外面生活
我每天就甲同學四處七逃，感受這無人管，快樂ㄟ滋味
就連三更半夜嘛毋願放過
宵夜、打牌、唱歌、喝酒，阿擱ㄟ來去走酒店
嘿嘿，是趴七仔啦，我每天就過著這快樂ㄟ日子

不過，快樂的時間總是過得特別ㄟ快
想不到，剩一年我就要畢業了
甘講，我擱要被抓返去關
那千萬就不行喔

所以，我一定要好好把握時間，毋是去喝甲茫茫茫，就是輸甲蝦蝦蝦
還騎歐多賣上山落海，我們衝甲阿里山，落到墾丁，還擱跑到台東去洗溫泉
每天就過甲無煩無勞

就在勒畢業ㄟ前半年，有意外來發生囉
我們班ㄟ前三名，作伙申請去一間大公司上班
竟然全部攏被打槍回來，他們是前三名ㄋㄟ
阿我勒，我是第一名ㄋㄟ，尾阿算來ㄟ拉

就在這勒時候，我才醒過來
我一直認為畢業之後，ㄟ擱過著無自由ㄟ日子，原來是毋對ㄟ
因為當我畢業，踏入社會，就要為自己來負責
我竟然把我寶貴ㄟ時間，浪費在勒七桃ㄟ頂管

從那天開始，我就無擱甲同學四處七逃囉
反倒在勒厝ㄟ，讀書、看報紙，了解社會發生ㄟ種種
呀擱有，好好思考我ㄟ未來，要為我ㄟ未來來打拼
現在，我ㄟ日子過得非常ㄟ充實，不過，已經毋是四處七逃阿喔
是在我ㄟ事業上來得到滿足

雖然，有時陣ㄟ擱想起13號小姐真讚的身材
不過，重要的是，我賣擱感覺我是被關條勒
因為走出社會，是走我自己ㄟ路，自己來決定要怎麼走
日子是過得比卡早大學ㄟ時陣更加快樂

有時陣，我爸看我真無閒，擱來甲我講
你喔，嘛賣甲自己搞得這麼累
有時間就甲朋友出去逛街、唱個歌、看電影嘛不錯啊
阿擱有，你嘛趕緊交一勒女朋友，通乎我來抱個孫子ㄟ
ㄟ，我甘無聽不對，那ㄟ尬卡早差那麼多

所以，各位會友啊，對咱ㄟ孩子千萬就要乎他們適當ㄟ自由
只要他們有正確ㄟ道德觀念，你就賣管甚嚴，毋通握驚死，放擱驚飛

不過，當咱ㄟ孩子讀大學，要離開咱身軀邊ㄟ時陣
恁千萬就要小心，毋通乎伊太多錢，阿無
宵夜、打牌、唱歌、喝酒，阿擱ㄟ去走酒店
到時陣就害了了啊喔
各位，恁就要ㄟ記得喔
嚴官府就ㄟ出厚賊喔，恁講是毋是

以上，主持人